یا حسیـن بۇ آستانـه، سائلـم عطایـه گلدیـم

ائتدیگیم جساره‌تیمده‌ن، عذر-وْ-التجایه گلدیم

حرّ-ی-مضطرّم ریاحی، قومینه من افتخاره‌م

عرصه‌ی-ی-مبارزاتدا، بیر رشید نامداره‌م

چوْخ خطا بۇ نوکروندان، باش وئریبدی شرمساره‌م

بیر قاچان قۇلام قایێتدێم، پوزش-ی-خطایه گلدیم

بیر بؤیۆک خطایه اوْلدۇم، مُرتکب کسیلدی چاره‌م

گل اؤزۆن آغالێق ائیله، نادمم گوناهکاره‌م

حرّی غۆصصه‌ده‌ن خلاص ائت، فضلیوه اومیدوارم

دۇتماغا بۇ دامه‌نۇندان، منبع-ی-سخایه گلدیم

سن اوْ شاه‌سن قاپۇندان، بوْش قَییتمئییبدی بیرکس


دامه‌نون کس آل الیمده‌ن، یا بۇ اللری اؤزۆن کس


سنده قوْوسان اؤز قاپۇندان، نئیلئییم هارا گئدیم بس

رسمدیر کریم آداملار، لا دئمه‌ز گئدایه گلدیم

قوْی اؤپۆم آیاقلارۇندان، قالمئیوب اۆره‌کده آرام


ائیله‌سین منی مرخّص باشیوه گلیب دوْلاننام


هر قده‌ر حیاتیم اوْلسا، گئتمه‌ره‌م قاپۇندا قاللام

نی کیمی فغان-وْ-ناله‌م، اوج ائده‌ر سمایه گلدیم

هرکس عاق اوْلا امامه، بیلمیره‌م ندیر جزاسی


بیلمیره‌م اوْلاندا محشر، باشیمین ندیر بلاسی


حرّده‌ن بۇ گۆن قبول ائت، یا حسین بۇ التماسی

قوْیما حشره بۇ قصاسی، دردیمه دوایه گلدیم

سسله‌دی عزیز-ی-زهرا، گلمه چوْخ فغانه یا حرّ


خوْش گلیب صفا گتیردون، سن بۇ آستانه یا حرّ


نااۇمید اوْلماز هرکس، گلسه بۇ مکانه یا حرّ

سن مریض-ی-عئشق اوْلۇبسان، من سنه شفایه گلدیم

گرچه سالمۇسان هراسه، اهل-ی-بئیت مصطفیٰ‌نی


دیسگینیب بالام رقیّه، ساخلایاندا کاروانی


من باغێشلادێم گۆناهۇن، گئت قێزێم رقیّه جانی

باش گؤتۆر قدملریمده‌ن، رأفت-وْ-عطایه گلدیم

باش گؤتۆردۆ مقده‌مینده‌ن، حاصل ائیله‌ییب اجازه


یۆز قوْیۇبدۇ کارزاره، دینه جان‌نثار-ی-تازه


گلدی پیرو-ی-حقیقت، یئتدی لئشگه‌ر-ی-حجازه

سسله‌نیب ذبیح-ی-عئشقیم، منده بۇ منایه گلدیم

گؤرسه‌دیبدی بیر شجاعت، فخر-ی-توده‌ی-ی-ریاحی


چوْلقئیوب غوبار-ی-محنت، پرده پرده عرصه ‌گاهی


شیر تک قاتێب قباغه، قوْودۇ قوم-ی-دین تباهی

ائتمه‌گه دئدی کؤمک‌لیک، شاه-ی-کربلایه گلدیم

چوْخ جهاد ائدیب یێخێلدێ، جیسمینه دگیب جراحت


ساقی-ی-اجل الینده‌ن، ایچدی ساغر-ی-شهادت


هر ایکی جهاندا اوْلدۇ، رو سئفید تاپدێ عزّت

حرّ دئدی که حاجتیم وار، شاه-ی-نئینوایه گلدیم