+0 به یه ن
http://afmsoft.arzublog.com به خاطر فراموشی رمز
, سایت جدید http://alifathi.arzublog.com را راه اندازی كردم
مرضی دردی بدندن بدر ایلر سرعین
سنی بیر عمرگوزل بختور ایلر سرعین
ایلده بیر دفعه گلوب چیم گوزلیم بو سولارا
نظر ایله بو گلستاندا گزن آهو لارا
حُسنیده حوری غلمان چاتا بیلمز بو لارا
سنی عمرونده مبارك نظر ایلر سرعین
سرعین ذوق صفا سیروسیاحت یردی
خوش پذیرالیق ایلر خلقه ضیافت یردی
گزملی سویملی تفریح وظرافت یردی
غموی غصه وی دلدن بدر ایلر سرعین
سرعین گُللر آچوب رنگ به رنگ ایگلمه لی
دسته دسته بالا جیرانلاری وار ایستمه لی
سوبای السون سنی خونین جگر ایلر سرعین
هر نه شدٌ تلی مرض وار سرعین ایلر علاج
اودی كی ای بالا بازاری تاپوب بیله رواج
بیر تومن مرحمت ایت عكسوی سالسین فتوراج
سنی بیر عكسیله خوش مفتخر ایلر سرعین
(ساری سو)راحت ایدیر جمله مرضدن بدنی
(قره سو) بیل قره گوندن ایدر آسوده سنی
(ژنرال)آی بالا مرمر تك آغاردار قره نی
دوش (گامشلار گولونه)گور نه لر ایلر سرعین
چیمه سن (بش باجیلاردا)گوره سن لذّتینی
توكه سن (قهوه سویوندا)جانوین زحمتینی
گیت(پهینلی سویا) چكمه حكیمون منّتینی
پینییسلیندن سنه آرتوق اثر ایلر سرعین
(بیله دره)سویون ایچ معدوه درماندی او سو
اونا چاتماز كوكا كولا كاندا پپسی اسو
خور گون سندیری آبگوشت ییه سن آلتی طوسو
بله فكر ایلمه خرجون هدر ایلر سرعین
ای كریمی بالا سن اُت سرعیندن نظرون
سنه یوخ فایده سی پهلوینون رامسرون
گیت چورك فكرینه دوش یوخدی خبردن خبرون
كاسبا پولسوزا یولداش ضرر ایلر سرعین
منبع : نوشته حاج میرزا حسین كریمی مراغه ای از كتاب رنگارنگ استاد .
گؤنده ر
بؤلوم لر: