+0 به یه ن
اولماقا آماج بلا گلورم كربلا
خاكون ایدم لعل و طلا گلورم كربلا
كعبه نی حیرتده قویوب حسناتون سنون
وادی سینادی مگر عرفاتون سنون
زمزمی شرمنده ایدر بو فراتون سنون
سنده ایدم سعی و صفا گلورم كربلا
هاردا منانون بو قدر شرف و شأنی وار
اصغر شش ماهه كیمی قوزی قربانی وار
هانسی خلیلین دیه گوروم، بله امكانی وار
تشنه ذبیحاً به قفا گلورم كربلا
سنده سپهرین گونی تك باتارام كربلا
اصغری آلّام سینمه باتارام كربلا
اوز قانیمی توپراقووا قاتارام كربلا
تا اولاسان خاك شفا گلورم كربلا
سنده امانت گمیسین سالاجاقلار گِله
باب الحوائج بالاسی دوشه جاق مشگله
سنده عشایر ساتاجاق سویی بیر جوت اله
ویرماقا عباسی فدا گلورم كربلا
سنده دمادم آخاجاق یوزومه گوز یاشیم
اوغلوم الیمدن گیده‌جاق اُله جاق قارداشیم
عزتّلن الدن اله دوشه جاقدیر باشیم
اولماقا تسلیم قضا گلورم كربلا
سنده رقیّم سولاجاق اولاجاقدیر یتیم
سنده قورام بزم عزا گلورم كربلا
سنده آخار زینبیمون یوزه اشگ تری
غارته زهرا قزینون گیده‌جاق معجری
سینوی آچ باغریوا باس یارالی پیكری
ساخلا منی صبح و مسا گلورم كربلا
استاد كریمی مراغه‌ای
گؤنده ر
بؤلوم لر:
میرزا كریمی مراغه ای