بۇ دیار-ی-غم‌فزادور، نئینوا صحراسی زینب

حاضر اوْل هر ابتلایه، كربلاء زهراسی رینب

اگنیوه گئی غم لیباسین، باشه سال اكبر قاراسێن

دۇت ابوالفضلین عزاسین، كربلا زهراسی زینب

باغلانان «قالو بلی» ده، عهدیمین پابستی‌یم من

كاروان-ی-عئشق-ی-حقّه، رهبر-وْ-سردسته‌یم من

«البلاء للولائی» جامینین سرمستی‌یم من

دین-ی-ایسلامین حسین دیر، باش وئره‌ن یحییٰ‌سی زینب

سن منیم ایسته‌كلی باجێم، راز-ی-عئشقه مَحره‌میم‌سن

هر اموراتیمده زینب سن شریك-ی-اعظم‌یم سن

قتلگاه ایچره دۆشه‌نده، قان ایچینده همدمیم سن

فخر ائله سن‌سن حسین‌ین سیرّ-ی-عاشوراسی زینب

بۇ مینای-ی-كربلایه یاخشێ قۇربانلار گتیردیم

باغ-ی-دینه سۇ یئرینه، وئرمه‌گه قانلار گتیردیم

عالم-ی-ایسلامه قوربان، وئرمه‌لی جانلار گتیردیم

نهر-ی-علقمده یێخالار، قوْچ كیمی عبّاسی زینب

قتلگاه ایچره دۆشه‌نده، قانیمه غلطان یارالێ

یۆز یارلێ، گؤز یارالێ، باش یارالێ، جان یارالێ

من وئریم جان، سن ده سسله، جان یارالێ، جان یارالێ

ذات-ی-حقّ اوْلسۇن، بۇ عئشقین آفرین گویاسی زینب

گئچمه‌سه‌ باشێم جیدایه، پرچم ایسلام اۇجالماز

سن خیال ائتمه كی آخر، «مُنتقم» بۇ قانێ آلماز

صاحب-ی-قان، ذات حقّ‌دیر، ائیله‌مه غم یئرده قالماز

قائم-ی-آل-ی-محمّد دَندی، قان دعواسی زینب

قوْشار: كریمی مراغه‌ای

گؤنده ر     بؤلوم لر: میرزا كریمی مراغه ای