قیش چیخدی گزیر كوچه نی بو تازه جوانلار

یوخ یوخ نه جاوان درس تمدن اوخویانلار

چون مدرسه قورتولدی چیخوب ائیله تماشا

چارراه خیاباندا دوشوب گؤر نئجه غوغا

قیزلار كی چیخور مدرسه دن خیلی دل آرا

نازیله گئدیر منزله گویا كه مارالدی

بیردن گوروسن آتدیلار بمب رنگی سارالدی

بو بوینی یوغون قانمور اوشاقدور چوخیقورخار

یا حملی وار آرواددی جانیم زحمتی آرتار

یا تریكی دور نعشه قاچار معركه قالخار

ظاهرده موحصلدی اوزی اهل كمالدی

لیكن كافی تشبیهدی لاب او مالدی كهمالدی

چارشنبه سوریده اولوبدور بئله مرسوم

بو رسملری واجب ائدوبدور ننه كلثوم

تصدیق ایلیوب چوخلارینی زینب پاشا مرحوم

بیر ساعت اوتور دقتیله ائیله تماشا

بیر بیر او یازان رسملری ائیلیوم انشاء

اولسون شب چارشنبه گركدور هامی دلشاد

چیخسونلار داما قیز گلین اوغلان كیشیآرواد

هر دامدا گرگ اود یانا اولموش بئلهایجاد

قیزلار اونون اوستوندن او ساعتدهآتیلسون

اما آتیلاندا دییه جاق بختیم آچیلسون

دامدان ائیله كی اندیلر قورتولدی تماشا

بیر مجمعه خوش شب چره ائیلر مهیا

خورما یمش ایگده سوجوق و فخری و حلوا

بیر عیده خانیم قلبیده بیر نیت ایده رلر

گیزلینجه قولاق آسماقا جدیت ایده رلر

شال ساللاماقا بعضی ایدر شوقیله رغبت

باغلاللار انون شالینه هر شیدن اوساعت

خوش یمن اولار گر دولما پیشیرسه شاماآرواد

شامدان صورا بیر آز بادام اویناللایاتاللار

آرواد كیشی هر تك تكی مقصوده چاتاللار

كریمی مراغه‌ای دن

گؤنده ر     بؤلوم لر: میرزا كریمی مراغه ای