تبریزیم آنادیر بیز اونا بالا
قویماریخ آنامیز بالاسیز قالا
آند اولسون بابكین دوشن قولونا
گله جك بیزیم دیر وئرین قول قولا
***************
قاییدین دورنالار قاییدین بوردان
داغلارین باشینی پیتیراق الیب
قاییدین دورنالار قاییدین بوردان
شنلیك لر یوردونا غم كولگه سالیب
قاییدین دورنالار قاییدین بوردان
بورداكی دورنالار سوسوب دانیشمیر
دورنا وار دورنایا یانیب الیشمیر
دورنا وار ساتغین دی بیزه قاریشمیر
قاییدین دورنالار قاییدین بوردان
بولاغلار قورویوب حسرتدی سوو
چالیلار كول با كول باغلاییب جووا
نه بیزه حایات وار نه سیزه یووا
قاییدین دورنالار قاییدین بوردان
چالاغان چالیبدی شن بولبوللری
كیم سنه اوخومور بیزیم دیللری
شاختالار سولدورور اچان گوللری
قاییدین دورنالار قاییدین بوردان
داغلاردا دورنالار شاختادان دونور
دورنالار یوردونا قجیرلر قونور
بورداكی قاریلتی بئینیمی یونور
قاییدین دورنالار قاییدین بوردان
دومانلار چولغاییب اوجا یایلاغی
سپیلیب داغلارا نیفرت پایلاغی
یایلاغلار اولوب دور قوزغون اویلاغی
قاییدین دورنالار قاییدین بوردان
قورخورام دوماندا ازاسیز یولو
گورمییه گوزلریز ساغ ایله سولو
قارشیزا چیخا بیر میندارچا كولو
قاییدین دورنالار قاییدین بوردان
كیم دوشور قاباغا چالاغان چالیر
بوغجالیر, بودارلیر, نفسین الیر
دورنالار صف باغلیر سورگونده قالیر
قاییدین دورنالار قاییدین بوردان

گؤنده ر     بؤلوم لر: هوشنگ جعفری