+0 به یه ن
اشعار صائب تبریزی 5
سئوگینی فرزانه لیكده بیلمیشیك
عاشیقین قانین تؤكوب ظلم ائتمه یی
عشق ده ، جانانه لیكده بیلمیشیك
دوز یولو لنگر ووروب قطع ائتمه یی
دوغروسو مستانه لیكده بیلمیشیك
عشق باغیندا سولوب بختین گولو
بیز بونو بیگانه لیكده بیلمیشیك
اختیلاتین ان گؤزل نعمت لرین
سر به سر افسانه لیكده بیلمیشیك
گر دویونله نسه بوغازدا گؤز یاشی
بیز بونو مردانه لیكده بیلمیشیك
عشقده جانی اودوزماق رسمینی
هر زامان تیفلانه لیكده بیلمیشیك
دالغالار دولموش حبابلا دریادا
بیز اونو دردانه لیكده بیلمیشیك
عاشیقین جان قئیدینه قالماق حالین
قلب ده كی ویرانه لیكده بیلمیشیك
شمع باشیندا آتشه اوتلانماغی
عشق ده پروانه لیكده بیلمیشیك
كیم بیزیله ائیله سه بیگانه لیك
معنا سین صد دانه لیكده بیلمیشیك
هر كسی بیر كنج ائدیر غم دن خلاص
بیز اونو میخانه لیكده بیلمیشیك
دونیانین هر نعمتیندن كئچمه یین
همتین مردانه لیكده بیلمیشیك
او فداكارلار گؤزونده حئیرتیك
رویانی افسانه لیكده بیلمیشیك
صائب الده هر نه ائتمیشدیر اونو
دوسلارا همخانه لیكده بیلمیشیك
گؤنده ر
بؤلوم لر:
صائب تبریزی