+0 به یه ن
اشعار صائب تبریزی 2
هانی بیزده ائله جان زلف پریشانا دؤزه
امیدیم یوخدو اورك بیرده بو هیجرانا دؤزه
كیم تكبرلویونو سیندیرا بیلمیرسه اگر
عاشقم سؤیله مه یه ، چیخمایا مئیدانا دؤزه
بوردا عشرت می یی دؤنموش یئنه قلبین قانینا
سود اوچون كؤرپه گرك باشلایا افغانه دؤزه
بو جهاندا نه ییمیز واردی كی ، حسرت ده چكه ك
تكجه آرزو بودو ، قلبیم دارا مردانه دؤزه
قیوریلان تئللری ساكت گئجه ده تیتره ر اونون
عاشق ایستر او تئله هر توخونا شانه دؤزه
یوسفه چاتماق اگر ایسته سه دنیادا بیری
یئیه قلبین قانینی بیرده كی زندانه دؤزه
كیم چؤرك دردینی چكمیر ، او یئییر بوردا چؤرك
كیم چؤرك دردی چكسه او گرك یانا دؤزه
عشق سرگشته لیگی صابره مخصوص كی دئییل
دئی هانی اؤیله گه می ، دوشسه بو طوفانه دؤزه
گؤنده ر
بؤلوم لر:
صائب تبریزی