+0 به یه ن
اشعار ممد اراز 1
عمورده توكنیر سؤزده توكنیر
باشیمین آلتیندان یاستیق دا قاچیر
اللر دیر اوچوران ، اللر تیكه نی
چؤللوكدن یاز قاچیر ، یازلیق دا قاچیر
دونیا دوزلمیركی دوزلمیر بابا
..
كیمدن سه تئز دوروب كیمین اوشاغی
ایتینه داش آتیب بئش یوز ایل قاباق
كیمین ده ییرمانی كیمدن آشاغی
بونلاری یئرینده كیم اوتورداجاق ؟
دونیا دوزلمیركی دوزلمیر بابا
..
طرفسیز طرفده دوز اوغلو دوزلر
طرفگیر طرفده سیلاح قان – قاد
چایینی ایتیرن ماوی دنیزلر
چیرپینیب بوغولر گؤز قاباغیندا
دونیا دوزلمیركی دوزلمیر بابا
..
كیمین سه دوننی قبیرسیز قالیب ؟
كوتانچی باباسی دمیرسیز قالیب ؟
كؤروكچو آتاسی كؤمورسوز قالیب
دونیا دوزلمیركی دوزلمیر بابا
..
من تكدیم ، جوت اولدوم تكلندیم گئنه
اؤزوم یوك چكنم ، اؤزوم ده یوكم
باخسام« دؤز » دییه نه « دؤز » دئییلنه
آغزیمدان قاپیلار اؤز حلال تیكه م
دونیا دوزلمیركی دوزلمیر بابا
..
گئدیر یال داواسی سوموك داواسی
گئدیر وورهاوورلا چپیك داواسی
گئدیر میلیون چونون قپیك داواسی
دونیا دوزلمیركی دوزلمیر بابا
..
« منم» دییه نلرین منی گؤرنمور
الی تپیكده دیر اؤزو هدفده
آزمیش عاغیللارین چنی گؤرونمور
ایتمیش ایتیریلمیش باشلار كلفده
دونیا دوزلمیركی دوزلمیر بابا
..
هله بو دونیانین قیل و قالی چوخ
بیلمم زهری چوخ ، یوخسا بالی چوخ ؟
چوخ وئردیم اؤزومه بو سوالی چوخ
ارضین نادانیندان آغ ساققالی چوخ
بس نییه بو دنیا دوزلمیر بابا؟
گؤنده ر
بؤلوم لر:
زندگی نامه ممد اراز
+0 به یه ن
اشعار ممد اراز 2
گؤزون ایدین تورپاق آنام
سون سؤزومو ، سون آندیمی
گومولدانا - گومولدانا
دوسلار قازسین مزاریمی
*
قار اوداسی كرمین دیر
بولاق باشی علعسگرین
آراز اوسته سیوری دوران
بیر قایادا منیم یئریم
دوسلار قازسین مزاریمی
*
ایچی گولر اسمی دؤنوك
گؤزلریندن یاش اله یر
مقام تاپا ، یاش یئرینه
سون ائویم داش اله یر
دوسلار قازسین مزاریمی
*
حلال سؤزوم ، هارداس بیر
حلال قلبه دئییم دوشدو
هاردا چاشدیم ، هاردا آشدیم
یؤنسوزلویه یؤنوم دوشدو
*
گوناهلاریم چوخسا ییغین
بوكوب قویون باش آلتینا
بلكه ائله باشیم حلال
باش آلتداكی داش آلتینا
دوسلار قازسین مزاریمی
*
سینه م اوسته حك اولونا
خیش دسته یی ، بیرده قلم
اؤز قبریمه گوله - گوله
اؤزوم یئنمك ایسته ییرم
دوسلار قازسین مزاریمی
گؤنده ر
بؤلوم لر:
زندگی نامه ممد اراز
+0 به یه ن
اشعار ممد اراز 3
توتدون اونو ، آستاری بیر ، اوزو بیر
بو دره مه سن ، بیری یوزدور ، یوزو بیر
نه سایالی ، سایلی - یوللار واریمیش
چوخدا چوخا ، آزدا آزا قاییلدیم
من نفسیمی ایسته ییمدن آییردیم
سنین مئیلین اییلنده ، اییلدیم
دوزوكسن ایری یوللار وارایمیش
عؤمرو بویودان یئرینه قول آچدیم
قارلی داغدان قارلی داغا یول آچدیم
بیر اورگین ظولمتیندن یول آزدیم
نه یاخشی كی ، آیلی یوللار واریمیش
بو دونیایلا جنگه چیخسام ، یاشیم آز
قالالارلا بحث ائتمه یه ، داشیم آز
توز یوكونو مین آرایا داشیماز
نه سووقاتلی ، پایلی ، یوللار واریمیش
اوزون قارا گؤزونده كی كؤلگه دن
دیلین باتدی نه بیلیم ده ، بلكه ده
بیر عنوانا دؤندو یوموز دؤنگه ده
آیری سمته آیری یوللار واریمیش
گؤنده ر
بؤلوم لر:
زندگی نامه ممد اراز
+0 به یه ن
اشعار ممد اراز 4
دونوب گؤزلرین ده قالان دئییلم
بیر ملك دونون دا گیریب قوینونا
سونرا شاهمار كیمی چالان دئییلم
بیرینه وارام سا بیرینه یوخام
یوغرولموش خامیریم، یاییلمیش یوخام
من هر وعده سیله بیر طالعی ییخان
حقیقت گئییملی یالان دئییلم
قونسان كیپریگیمه بیر ژاله كیمی
كؤچسن ده قلبیمه بیر ناله كیمی
من سنی بیر دولو پییاله كیمی
گؤتوروب الیمدن سالان دئییلم
هر عشقین یولو وار، هر عؤمرون یاری
یئری یئری بو اومیدلر یولون دا یاری
داها نه گیزلگیم چالینمیش تاری
كوهلیین دئییلم، چالان دئییلم
گؤنده ر
بؤلوم لر:
زندگی نامه ممد اراز
+0 به یه ن
اشعار ممد اراز 5
قلبیمدن قارا قان كئچیر.
داها گؤزللر یان كئچیر،
آغارما، ساچیم، آغارما!
آغارما، ساچیم، آغارما!
نه ائركن سنه دن دوشدو،
نییه دوشدو، ندن دوشدو؟
بئینیممی قوووه دن دوشدو؟
آغارما، ساچیم، آغارما!
آرزو سونسوز، عؤمور یاری...
آرتدی آلنین قیریشلاری،
سنده اینصاف اولسون باری
آغارما، ساچیم، آغارما!
منی قمگین گؤرسه اگر
دوشمن گولر، دوست قم یئیر،
قیزلار باخیب " دایی " دئیر،
آغارما، ساچیم، آغارما!
داشدیر قلبین، داشدیر جانین،
یوخدور، دویغون، یوخدور قانین.
هله گنجم، سن ویجدانین
آغارما، ساچیم، آغارما!
عؤمور كئچیر، یامان كئچیر،
قلبیمدن قارا قان كئچیر.
داها گؤزللر یان كئچیر،
آغارما، ساچیم، آغارما!
هله سسیم اوجالماییب،
ائل گوجوندن گوج آلماییب.
هله اورك قوجالماییب
آغارما، ساچیم، آغارما!
ایلهام آدلی شاهپریم وار،
یول اوستیم، سفریم وار...
یازیلمامیش اثریم وار...
آغارما، ساچیم، آغارما...
گؤنده ر
بؤلوم لر:
زندگی نامه ممد اراز
+0 به یه ن
اشعار ممد اراز 6
هر دره نده چالدیغیمساز یاشاییر
كیمی سینین چیینینده سن ، كیمینین
شؤهرتینی یاشادان آز یاشاییر
*
بو گیلئی دن قلبیم یامان خاللاتیر
چوخ عنواندا قاچاق تعریف یاللاتیر
بیر عاغیلین بوداغیندان ساللاتیر
نئچه - نئچه عاغلی دایاز یاشاییر
*
گولوم بیرده گؤروشونه یوبانسام
آدیمی توت ، هاردا داغلار دومانسا
گؤزونو سیخ ، هانسی داشدا سو یاتسا
او داش آلتدا ممد آراز یاشاییر
گؤنده ر
بؤلوم لر:
زندگی نامه ممد اراز
+0 به یه ن
اشعار ممد اراز 7
اللرده گزمه یین بیر كیتاب كیمی
كیمسه یه مست ائدن آل شراب كیمی
آخیب هر باده یه دولمایین قیزلار
*
اوینار قهقهه نیز شیمشكلر كیمی
عنوان سیز اولمایین كولكلر كیمی
قار آلتیندان چیخان چیچكلر كیمی
وعده سیز گؤیریب سولمایین قیزلار
*
سیرز بیر قاییق سیز ، طالع دنیز دیر
او بعضن بولاندیق بعضن تمیز دیر
طالع عاغلینیزدیر ، دوشونجه نیز دیر
طالعین قاییقی اولمایین قیزلار
گؤنده ر
بؤلوم لر:
زندگی نامه ممد اراز
+0 به یه ن
زندگی نامه ممد اراز
ممد ابراهیموو در 14 اكتبر سال 1933 میلادی در روستای «نورس» در منطقه «شاه بوز» جمهوری خود مختار نخجوان متولد شد.
نام شعری او «آراز» بر گرفته از نام رودخانه ای است كه به هنگام تقسیم شدن آذربایجان در 185 سال پیش، به مرز جدا كننده آذربایجان كنونی و ایران تبدیل شده است.آراز دانش آموخته دانشكده جغرافیا در موسسه علوم تربیتی جمهوری آذربایجان در فاصله سال های 1950 تا 1954 است.
پس از آن او سال های 1961 تا 1963 در ویراستاری انتشارات معارف در باكو كار كرد و در سال های بعد در مجله ادبی الدوز و روزنامه ادبیات و اینجه صنعت مشغول به فعالیت شد.
او افتخارات زیادی را از آن خود كرده است كه از جمله آنها: قهرمان كار فرهنگی، جایزه برجسته جمهوری، شاعر مردمی و جایزه استقلال را نام برد.
از آثار او می توان به «نغمه عشق»، «پدر سه پسر»، «دنیا از آن تو، دنیا از آن من» و «صدای نوشته شده روی صخره ها» اشاره كرد. ممد آراز در اول دسامبر سال 2004 در باكو در گذشت
گؤنده ر
بؤلوم لر:
زندگی نامه ممد اراز
یارپاق لار:
[1]