تاريخ : یکشنبه 25 آبان 1393 | یازار : علی فتحی (آلتین)
+0 به یه ن
نه اولاردی سئوگیلی جانانیم اولایدین گئجه لر
اینانیب عشقیمی "دلداریم اولایدین گئجه لر
دولاناردیم باشیوا هر گئجه پروانه كیمی
سن منیم شمع شبستانیم اولایدین گئجه لر
دنیانون شه شاهانی بیلردیم اوزومو
سن اگر راحت دورانیم اولایدین گئجه لر
شوق دیداریله هرگون"اویاناردیم یوخدان
گوزلیم"گر مه تابانیم اولایدین گئجه لر
عومرومون قیمتی آرتاردی قوجالمازدیم اگر
جسم زاریمده منیم "جانیم اولایدین گئجه لر
بیر عوموردور دوزورم حسرت هجرانیوه من
چاره سیز دردیمه درمانیم اولایدین گئجه لر
(ائلـــــدارام) درد فراق اوسته یازارم غزلی
ائشدیب ناله می"لقمانیم اولایدین گئجه لر
شعر از ائلـــــــــــدار
گؤنده ر
بؤلوم لر:
آذری شعر