+0 به یه ن
ای ستمگر منی رسوای جهان ائیله میسن
گوزومون یاشینی چون دجله روان ائیله میسن
همنشین ائیله میسن دشمنی ای مایه ی ناز
رشگدن جانیم آلیب، باغریمی قان ائیله میسن
گون كیمی عارضووه زلف چلیپانی سالیب
گونی گور ابر سیه آلتدا نهان ائیله میسن
نازیله، عشوه ایله، سیر ائله ییب گلزاری
گوستریب معجزه سن سرو روان ائیله میسن
بیر جانیم وارایدی ای شوخ كی آلدین او زمان
اوزگه جان داهی بو بی كسده گمان ائیله میسن
قاشلارون تیغ ستم آلمیش اله، كیرپیگون اوخ
اولدوروبسن منی ناحق یئره قان ائیله میسن
نه اوچون ای شوخ نقابین گوتوروبسن اوزدن
روی خورشید وشی خلقه عیان ائیله میسن
آلمیسان عقلیمی سردن منیم ای آفت جان
قددیمی محنت هجرونده كمان ائیله میسن
هوس وصلویله ای مه من «حیران» ی
باشی یئرده، گوزی یولدا نگران ائیله میسن
حیران خانیم
گؤنده ر
بؤلوم لر:
آذربایجان شعرلری
+0 به یه ن
بویون سرو سهی زولفون معنبر
جمالین یوسف كنعانه بنزر
قاشین عاشیق لرین قصدینه گویا
خم اولموش تیغ سر افشانه بنزر
آچاندا گوزلرین آلیر بو جانی
یاتاندا فتنه دورانه بنزر
باخاندا نازیله تیر نگاهین
كونولده خنجر برانه بنزر
دیلون بولبول ساچین سونبول اوزون گول
كج اولموش كیپریگین پیكانه بنزر
مه رخسارین ای حور بهشتی
گولستاندا گل خندانه بنزر
ویریب باد صبا زولفون داغیتمیش
گول اوزده دسته ریحانه بنزر
لب لعل شفا بخشین عزیزیم
بعینه چشمه حیوانه بنزر
خالین هندو صفت كونج لبینده
اوتورموش تخت آرا سولطانه بنزر
سنین كوینده عاشیقلر فغانی
چمنده بولبول خوش خوانه بنزر
گوزوم یاشی فراقوندن اوزومه
سراسر لولوء غلطانه بنزر
اگر چه عاشیقین چوخدور ولیكن
اینانما هئچ بیری حیرانه بنزر
حیران خانم
گؤنده ر
بؤلوم لر:
آذربایجان شعرلری
+0 به یه ن
حیران خانم دختركریمخان كنگرلوی دنبلی آخرین حاكم نخجوان از خاندان كنگرلوی دنبلی، شاعره نامدارقرن سیزدهم هجرى قمرى از زنان نامدارِ طایفهدنبلیاست. ازتاریخ حیات و شرح حال وى اطلاع دقیقى در دست نیست و آنچه نویسندگان و محققین درخصوص زندگانى وى به نگارش در آورده‌اند متناقض می‌باشد. حیران ظاهراً تخلص او بوده و وى نام دیگرى داشته است.
گؤنده ر
بؤلوم لر:
آذربایجان شعرلری