مفاخر آذربایجان *** Azərbaycan xadimləri
علی فتحی(آلتین)*آذربایجان ،مراغا، ایران ، آذری و تورکی شعرلری
تاريخ : پنجشنبه 6 آذر 1393 | یازار : علی فتحی (آلتین)
+0 به یه ن

كسمه باشێمێ ظالێم، قوْی عـزیز-ی-جـان گلسیـن

جان یئتیب دوْداغێمه، شاه-ی-اینس-وْ-جان گلسیـن

 

قان ایچینده غلطانه‌م، بسكی زخم-ی-كاریم وار

گؤزله‌ریم قالێب یوْلـدا، چـۆنكــی اینتیظاریــم وار

گلمه‌یینجه جان وئرمه‌م، بیرجه غمگوْساریم وار

اوْل قده‌ر منه مؤهله‌ت، وئر اوْ مئهریبان گلسین

 

زخمـدار آهــویــه، رحــم ائــده گـــره‌ك صییــاد

ال گــؤتۆر شقاوه‌تده‌ن، ائتمــه بۇ قــده‌ر بیــداد

حلقیمه منیم هردم، چكمه خنجه‌ر ائی جـلـلاد

ساخلا ال بۇ مؤحنه‌تده‌ن، باغرێقان اوْلـان گلسین

 

موْرغ-ی-بئسمئله‌م، جیسمیم سربئسه‌ر جراحه‌ت دیر

چۆن بۇ نوْعی جان وئرمه‌ك، بیزلــه‌ره سعــاده‌ت دیــر

من ال اۆزمیشه‌م جاندان، سن ده نه شقاوه‌تــدیـــر

قوْیمۇسان باشێم اۆسته، شاه-ی-بیكه‌سان گلسین

 

سن‌سن ائی شه-ی-كۆنه‌‌ین، هر قولوبیده‌ن عاله‌م

پرشیكه‌ستــه بۆلبــۆل تــك، سێنــدێ بۇ پر-وْ-باله‌م

وئرمیری منــه مؤهلــه‌ت، ســن گلینجــه بــۇ ظالێـم

هرچی سعیی قێللام قوْی، سروه‌رئ جاهان گلسین

 

یۆز قوْیۇبـدۇ بیــر اوْوچـــۇ، بیـر شیكــاره یــۆز یئـــرده‌ن

واردێ جیســم-ی-زاریمده، كــاری یــاره یـۆز یئــرده‌ن

یۆز گــؤتـۆرمیــره‌م یئـرده‌ن، گلسـه چـاره یۆز یئــرده‌ن

تئز گل ائی مسیحا دم، موْرده جیسمه جان گلسین

 

اوْل قده‌ر آخێب قانێم، خاك-ی-خون اوْلۇب فرشیم

آز قالێب عمو اوْلسۇن، نوك-ی-نئیــزه‌له‌ر عـرشیــم

آتــــلارێــــن ایــــاغێنـــدا، پایمـــال اوْلــۇر نعشیـــم

جان وئرئیدیم آسـۇده، قــانێمـــێ آلـان گلسیـــن

 

درك ائدیب سسین وئردی، سس سسینه جان گلدیم

قــوْیمــادێ سســۇن منــده، طــاقــه‌ت-وْ-تــوان گلــدیم

زیــر-ی-تیــغ-ی-قــاتیلـــده، لحظـــه ای دایــان گلــدیــم

بئلــــه وقتــــه لازیمــــــدیر، بیر قــدی كمــان گلسیـــن

 

ناگـه‌هـان یئتیـب اوْل شـه، گؤردۆ قانا غلطان دیـر

قطره-قطره زولفونده، قانێ میثـل-ی-مـرجان دیـر

سرو قددی صـد پـاره، یئـرده زیب-ی-مئیـدان دیـر

قان ایچینده ورد ائیلیب، قوْی عموم امان گلسیـن

 

آچدێ قانیله‌ن دوْلمۇش، گؤزله‌رین اوْ شهزاده

عرض ائدیب عمو گلدین، یاخشێ وقته فریاده

دستگیــریلیـك ائتــدین، دستگیــر-ی-جـــللاده

وار یئری بۇ احوالیم، چوْخ سنه گیران گلسین

 

یا حۆسئن سنه دلریش، صیدقیله دۇتۇب اۇمــۇد

كلـب-ی-آستـانــۇنــدۇر، ائتگیلـــه‌ن اؤزۆن تــأییــد

كیم اوْلۇب بۇ درگه‌هـده، ایندی‌یـه كیمـی نامـیـد

ایسته قبریوه بۇ جمع، جومله باغرێقان گلسیـن

 

شاعر: دلریش



گؤنده ر 100 درجه کلوب دات کام گؤنده ر     بؤلوم لر: جناب قاسیم (حضرت قاسم (ع))
تاريخ : پنجشنبه 6 آذر 1393 | یازار : علی فتحی (آلتین)
+0 به یه ن

آتــدان عمو یێخێلــدێم، باشــدان آشێـب بـلا گـل

باشێم كسیلمه‌‌میش ائی سولطان-ی-كربلا گـل

 

بسكی اوْخۇ اوْخ اۆسته، بۇ اهل-ی-كین وۇرۇبلار

ساغ-وْ-سوْلۇمدا صف-صف، قاتیـللـه‌ریم دۇرۇبـلار

پران دگیـب آچێـب پـر، سینــه‌مــی دوْلـدۇرۇبــلار

ائیله‌للــه لحظـه-لحظـه، مـن بیكــه‌سـه جفـا گل

 

گۆن ایستی قانێم ایستی، بۇ یاتدێغێم یئر ایستی

تاثیر ائدیـب حـراره‌ت، صــد پـاره پئیكـــه‌ر ایستــی

دگدیكجه گۆن سیزیلله‌ر، جیسمیم سراسه‌ر ایستی

بیر یان جفـای دۆشمــه‌ن، بیــر یـــانــدا بــۇ هــوا گــل

 

هیـجـرونـدا دود-ی-آهێــم، بـۇ گـؤیلــه‌ره دایـانـدێ

جانێم عطه‌ش اوْدۇندا، ایستی قۇم اۆسته یاندێ

اؤز قانیمیـلــه جیسمیـــم، مئیــدانیــده بــوْیانـدێ

مـن قێـرمێـزی گئییندیـم، سالسێـن آنـام قارا گل

 

شاهــا بــۇدۇر مـرامیــم، بلكــه تاپێــم سعــاده‌ت

آخـه‌ر نفـه‌سـده بیــرده، ائیلیــم سنــی زییــاره‌ت

مومكون دگیل گله‌م من، قالمۇبـدێ تاب-وْ-طاقـه‌ت

سن باشێم اۆسته گلسوْن، چئشمیم تاپار ضییا گل

 

فرماییش ائتدی گلدیم، امما اوْغۇل نه حاصیل

اوْلمادێ بیر كؤمه‌كلیك، اوْلدۇ دۇباره نیسگیل

سنده‌ن منی خیجاله‌ت، ائتدی بۇ قوْم-ی-باطیل

وجهی ندیر دئییرسه‌ن، باشدان آشێب بلا گل

 

شاعر: دلریش



گؤنده ر 100 درجه کلوب دات کام گؤنده ر     بؤلوم لر: جناب قاسیم (حضرت قاسم (ع))
تاريخ : پنجشنبه 6 آذر 1393 | یازار : علی فتحی (آلتین)
+0 به یه ن

گلین اشكیله یازاق، یۆزده رموز-ی-مئحنی

باشلێیاق قاسیمێن آدیله بۇ گۆن سر سخنی

مجلیسه دعوه‌ت ائده‌ك شخصاً ایمام-ی-حسنی

ساخلاسێن مد-ی-نظرده هر اۆره‌ك داغلێیانێ

واردی گؤرسۆن نقه‌ده‌ر؛ قاسیمینین آغلێیانێ

گرم ائدیب قاسیمین عئشقی بیزی باشدان آیاقا

الیمیز یئتمیر افسوس اوْ حنالی اوْتاقا

حجله‌گاهینده ایراده ائلییه‌ك آغلاماقا

بۇ یئری خئیمه‌ی-ی-شاه-ی-شُهدا فرض ائده‌ریك

قاره كؤینه‌كله موباره‌كدی توْیۇن عرض ائده‌ریك

توْی لیباسون، كفه‌نه توْی گۆنۆ تبدیل ائتدون

مرگی پیشواز ائله‌ییب، جنگه زرهسیز گئتدون

ائی وفا مجلیسینین شمع-ی-فروزان شییه‌می

یوسفه نیسگیل اوْلان طرّه‌سینین پیچ-وْ-خمی

اكبرین راه-ی-شهاده‌تده اوْلان همقده‌می

نامزد عئشقینی بئلمه‌رره یادیندان چێخادان

مجلیس-ی-وصله‌تینی آتلار آیاقێندا تاپان

صبریده قوْیدۇ، زولیخانی عروسون حئیران

نی‌ده سن گزدون، اوْ صحرانی گزیب سرگه‌ردان

نیسگیلیزله دولۇدۇ سینه‌ی-ی-صندوق جاهان

پشت-ی-پا وصله وۇرۇب، صبریله یۇمدۇز گؤزۆزۆ

دیل‌له‌ره سالدێ زمانه نئجه گؤر توْی سؤزۆزۆ

قوْشار: انور اردبیلی



گؤنده ر 100 درجه کلوب دات کام گؤنده ر     بؤلوم لر: جناب قاسیم (حضرت قاسم (ع))
تاريخ : پنجشنبه 6 آذر 1393 | یازار : علی فتحی (آلتین)
+0 به یه ن

اهل-ی-اخبار مقاتیلده یازێب بۇ خبری

مرغ-ی-روحین ائشیده‌ن وقته سینیر بال-وْ-پری

یاندێران سؤزدۆ سالێر رقّته قلب-ی-بشری

شام ویرانه اوْلان گۆنده ورود اُسراء

یۆز وئریب قاسیم-ی-شهزاده‌یه بیر آیرێ بلا

 

خط-ی-سیر-ی-اُسراء دوْلمۇشۇدۇ میللت‌‌یله

هرزه عورت‌لریله، مردُم-ی-كم همّتیله

جشنه مشغولیدی شهر اهلی نه كیفیت‌یله

گه باخۇردێلا یوْلۇن ساغینه، گاهی سوْلۇنا

گؤزلری منتظریدی اُسرانین یوْلۇنا

 

ناگهان شهره ورود ائیله‌دی بیر تیپ سوار

اُمراء اوّل-ی-صفده گؤرۆنۆب مست-وْ-خومار

ائتدی تشویق اوْ سركرده‌لری فرقه‌ی-ی-نار

مرحبا صوتی بلند اوْلدۇ گؤگه هر یاندان

مركب اۆسته سئوینیب فخر ائله‌دی شئمر-وْ-سنان

 

ازرق‌ین زوجه‌سی بیر غرفه ده ائتمیشدی مقام

اُمرانین صفینه باخدێ اوْ ناپاك حرام

گؤرمه‌دی همسر-ی-خونخوارینی تئز ائتدی قیام

اوْلدۇ آگاه اوْ ملعونه طریقت خطره

غرفه‌نین پلّه‌لرین سرعتیله ائندی یئره

 

اؤزۆنۆ شئمر-ی-دغایه یئتیریب آلدێ خبر

هانێ ازرق؟ هانی اوْغلانلارێم ائی منبع-ی-شر

گؤرمۆره‌م هئچ بیرینی ائیلیره‌م اطرافه نظر

اؤزلرین شامه اوْلار، فكر ائلئییردیم یئتیره‌ر

سن كیمی هر بیریسی نئیزه‌ده بیر باش گتیره‌ر

 

دئدی غفلتده‌ سن عورت خبرون یوْخدۇ مگه‌ر

دؤرد جاوان اوْغلۇوۇلان ارزقی ائی خاك سییه‌ر(سیر)

بیر اوْن اۆچ سیننیده اوْغلان ولی مردانه سییه‌ر

رمه‌ی-ی-روبه‌هه حمله ائله بیل شیر ائله‌دی

بیربه‌بیر ییخدی یئره طُعمه‌-ی-شمشیر ائله‌دی

 

دئدی عورت اؤزۆ بس نوْلدۇ اوْنۇن سؤیله منه

نئیله‌دوز سیز منیم اوْغلانلارێمی اؤلدۆره‌نی

دئدی آهۇ كیمی یێخدێق اوْنۇ دشت-وْ-دمنه

نیگه‌ران اوْلما اوْقدری، اوْنا دگمیشدی یارا

عموسی ائیلییه‌بیلمیردی خییامه آپارا

 

دئدی گؤسته‌ر یارالێ باشێنێ ائی هرزه روان

قاسیمین باشێن اوْنا شئمر-ی-لعین وئردی نیشان

اؤلدۆرۆبدۆر دئدی اوْغلانلارۇوۇ، باخ بۇ جاوان

یاره‌لی باشه اوْ ملعونه نظر ائتدی بیر آز

اینتیقام آلماسام الان دئدی قلبیم سوْیماز

 

قایێدێب منزیلینه قێزلارێنا قێلدێ خیطاب

بی‌خبرسیز بیزی بۇ جنگ ائله‌ییب خانه خراب

اینتیقامه اوْلۇن آماده دگیل موقع-ی-خواب

یۆزه گؤرمۆرسۆز آنوْز اشكینی حسره‌تله الور(الیر)

آتا قارداشلارۇزۇ اؤلدۆره‌نین باشێ گلور(گلیر)

 

دوْلدۇرۇن دامه‌نوزو سنگ-ی-عداوه‌تله هامۇز

پیشوازینه گئدین قصد اهانتله هامۇز

نئیزه‌نی دوْره‌لئیین فیكر-ی-خییانتله هامۇز

سنگ باران ائله‌یین باشێنێ مقصوده چاتێن

هر داشێكێ آتۇسۇز سعی ائله‌یین محكم آتۇن

 

یاندێرێن ظلمون اوْدیلا اُسرانین جیگه‌رین

سێندێرێن غصّه‌لی بولبول‌لرینین بال-وْ-پرین

غرق-ی-اندوه ائله‌یین خانه بئدوش عمّه‌لرین

یاره‌له‌نمیش باشێنێن نئیزه‌ده آرتسێن یاراسێ

مله‌سین ناقه-ی-نوق اۆستۆنده پریشان آناسێ

 

یئتیریم بۇ سؤزۆ یاربّ نئجه پرده ایله باشا

بیلمیره‌م ائتدیله حمله نئچه یاندان اوْ باشا

گؤزۆنۆ یۇمدۇ «سریه» باخا بیلمیری داشا

كیم دؤزه‌ر ایسته‌دیگین گؤز قاباغێندا وۇرالار

بالا باشێن آنانێن اؤز قاباغێندا وۇرالار

 

اُسرا بیربیره دگدی، ائله سخت اوْلدۇ محن

سسله‌نیب زینب-ی-كبرا باجۇن اؤلسۆن حسن

نه اوْلار، قاسیمیوی گؤرمه‌گه شامه گله‌سن

یوْخدۇ ایمداده گله‌ن فیكریمیزه سن قالاسان

اوْغلۇوۇ بۇ داش آتانلارێن الینده‌ن آلاسان

 

داش آتان شخص‌لرین درك ائله‌ییبدیر عمه‌لین

بوْینۇنۇ چیگنینه حسره‌تله قوْیۇب تازه گلین

قاره بختیم دئدی من بیربیرینه وۇردۇ الین

دوشمه‌نین ایندی فله‌ك گؤر نئجه قوّتلی قوْلۇن

هر طره‌فده‌ن یۆزۆمه باغلادێلار، چاره یوْلۇن

 

رئشته‌ی-ی-عئشقی، عم اوْغلۇ! ائله فیكر ائتمه قێرام

باشۇوۇ داشلێیالار ساكیت-وْ-آرام اوْتۇرام

توْپراغا دَیمیر الیم، باشیمه توْپراق سوْوۇرام

یانێرام اوْدلانێرام، باشۇوا ائتدیگجه نظر

پر شیكه‌سته قۇشا تشبیهه‌م الیمده‌ن نه گله‌ر؟

 

دؤزمیشه‌م شامه كیمی هر محنه دینمه‌میشه‌م

زجر چوْخ قمچی وۇرۇب یوْلدا منه دینمه‌میشه‌م

غرفه‌لرده‌ن باشێما كۆل تؤكه‌نه دینمه‌میشه‌م

چوْخدۇ دردیم نه روا آیرێ سیته‌م باشلێیالار

من باخێرام نئزه‌نین اۆستۆنده سنی داشلێیالار

 

یوسئفیم غملی زولیخایه نیشان وئر اؤزۆوی

گؤزۆمه تیره‌دی دونیا نه یۇمۇبسان گؤزۆوی

شامێن اهلی ائشیدیب اوْلما سنین توْی سؤزۆوی

اوْدۇر ایستیلله تسلّی اوْلا غم یوْلداشۇوا

داش آتێرلار سنه یا نُقل سپیرلر باشۇوا

 

كۆل ائدیب حیجله‌میزی آته‌شیله اهل-ی-قیتال

نه دانێشدێم سنیله، اوْلدۇ نه گوفتاره مجال

نه گلین‌لر كیمی سالدێم باشێما قێرمێزێ شال

توْی گۆنۆ تئل‌لریمی شانه‌ی-ی-محنت دارادێ

دئمیره‌م چوْخ سؤزۆ الآندا قۇلاغێم یارادێ

    

قوْشار: انور اردبیلی



گؤنده ر 100 درجه کلوب دات کام گؤنده ر     بؤلوم لر: جناب قاسیم (حضرت قاسم (ع))
یارپاق لار: [1]
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :