+0 به یه ن
ایندیه‌تك بیله بیلوردم خانم
هرزه و هزیاندی ریاست میزی
ایندی اوتوردوم گورورم آی جانم
تخت سلیمان‌دی ریاست میزی
آخ نئجه راحت نئجه اگلشملی
هر نئجه یورقون اوتوسا دینجلی
چوخ یوموشاق سلقلی كیف سورملی
لایق سلطان‌دی ریاست میزی
تخت سلیمان‌دی ریاست میزی
میز نئجه میز اگلشنی جست ایدیر
رند و خرابات و قوی دست ایدیر
بی می و مینا آدامی مست ایدیر
رتبه‌ی شایان‌دی ریاست میزی
تخت سلیمان‌دی ریاست میزی
باخما كیچیك گورسنوری ظاهری
تك بیر آدامدان چوخا یوخدور یری
قوی الیوی آننوا باخ بیر چری
بیر یكه میدان‌دی ریاست میزی
تخت سلیمان‌دی ریاست میزی
میز نئجه میز نشعه‌ی ممتازی وار
موشك و جت تك گویه پروازی وار
باشدان آلور هوشی عجب گازی وار
محفل رندان‌دی ریاست میزی
تخت سلیمان‌دی ریاست میزی
ایلمه غم فخرایله شیش آی ماتان
من رئیس اولدوم كفیمه یوخ چاتان
صدر نشینم دگولم شارلاتان
دردیمه درماندی ریاست میزی
تخت سلیمان‌دی ریاست میزی
واردی عجب معجزه‌سی بو میزین
كور ایدیر اوّلده جلیسین گوزین
نه جلو ایستور نه اوزنگی نه زین
مین‌ملی مادیاند‌دی ریاست میزی
تخت سلیمان‌دی ریاست میزی
دورسا حضوریمده اگر یوز نفر
سایمارام ایشكدی بولار یا بشر
یا بیر اوطاق كتلی یا بیر طویله خر
بیزلره یكساندی ریاست میزی
تخت سلیمان‌دی ریاست میزی
آخ نئجه میز وار نه گوزل نقشه‌سی
اَل قول آچانمور سویورام هر كسی
اُلدویرورم هر كیمی چخمور سسی
مسلخ انساندی ریاست میزی
تخت سلیمان‌دی ریاست میزی
سخت اولا قانون نئجه مثل دمیر
من اونی الده ایده‌رم چون خمیر
اولموشام ایندی ایله روشن ضمیر
مكتب عرفاندی ریاست میزی
تخت سلیمان‌دی ریاست میزی
میز نئجه میز جنگده ارابه‌دی
دللری یاندیرماقا خوش تابه‌دی
خون ضعیفان بیزه نوشابه‌دی
باشدان ایاق قاندی ریاست میزی
تخت سلیمان‌دی ریاست میزی
مؤمن اولا گبر اولا اسلام اولا
یوخ منه فرقی چاتارام قول قولا
دینی فدا ایلمیشم من پولا
دینله دشماندی ریاست میزی
تخت سلیمان‌دی ریاست میزی
بو مثلی خوش دیدی احمد كوسا
ارمنی‌لیق یاخشیدی كبلای موسا
لیك قیامتده پوخی چخماسا
مسند شیطان‌دی ریاست میزی
تخت سلیمان‌دی ریاست میزی
عصر بیزیم عرصه‌ی میدان بیزیم
قصر بیزیم حوری و غلمان بیزیم
نفس بیزیم نعمت الوان بیزیم
معرض طغیان‌دی ریاست میزی
تخت سلیمان‌دی ریاست میزی
ظالمی مظلوم ایلسم ایلرم
حاكمی محكوم ایلسم ایلرم
هر كسی مسموم ایلسم ایلرم
مركز بهتاندی ریاست میزی
تخت سلیمان‌دی ریاست میزی
دائم الیمده ایكی مثقال قلم
ایسته‌سم عالملری ووررام به هم
پولدی پول اُستن یاغوری دم به دم
گورملی دكاندی ریاست میزی
تخت سلیمان‌دی ریاست میزی
ملتی مین مین سویورام دویمورام
دولته دوقوز قویورام دویمورام
گونده اوتوز رنگ بویورام دویمورام
حیله‌ی الواندی ریاست میزی
تخت سلیمان‌دی ریاست میزی
زال منم رستم دستان منم
گیو منم سام نریمان منم
اهرمنم خصم سلیمان منم
مسكن دیواندی ریاست میزی
تخت سلیمان‌دی ریاست میزی
دویمارام اصلاً بله سرمایه‌دن
یوخدی سراغیم خبر و آیه‌دن
سنماسین ای كاش بو میز پایه‌دن
ثروت و ساماندی ریاست میزی
تخت سلیمان‌دی ریاست میزی
بس دی كریمی سوزی قاتما سوزه
سورمه آتون داشلقا قیتر دوزه
چكمه داخی ملتی چوخدا اوزه
یازمالی عنوان‌دی ریاست میزی
تخت سلیمان‌دی ریاست میزی
شاعیر: كریمی مراغه‌ای
گؤنده ر
بؤلوم لر:
میرزا كریمی مراغه ای
+0 به یه ن
تاپا بیر یارالی یارالینی
گوره قارداشین توكه گوز یاشی
اویادا وفالی یارالینی
باجیسندان ایستدی مركبین
سسینی آلاندا وزیرینون
قدمین ركابه قویاندا شه
علمین گورردی امیرینون
یخلوب گیدینجه علم یره
ایتوروبدی ردّینی شیرینون
نه اوقانلی پرچمینی گورور
نه ده مشگی خالی یارالینی
نه‌قدر كه سسلور اَخا اَخا
ایشیده دوباره صداسینی
كمك ایتدی فاطمه ناگهان
تاپوپ انكساریله قارداشین
ایكی قول یول اوسته گوروب اَوَل
الیوب عذارینه گوز یاشین
دالسیجا هی دولانوب تاپا
كسوگ اللرین یارالی باشین
نه گوروب او قوللاریلان بیر آز
یخلوب آرالی یارالینی
گوتوروبدی باشدان عمامه‌سین
دیدی ای همای شرف دانیش
گورورم بیر آز رمقون قالور
ایلمه بو وقتی تلف دانیش
بلورم دالونجا آنام گلوب
آپارور بهشته طرف دانیش
چاغورار جنانه جهانیدن
بلی ذوالجلالی یارالینی
بودا فضل حقدی كه ایستدی
چخا یاددان اكبریمون غمی
ایله یانمادیم غم اكبره
بو غمیله داغلادی سینمی
دور ایاقه خیمیه بیر گیده‌ك
گوزی یولدا قویما رقیمی
گوره بلكه گوزلمیه قیزیم
داخی ماه و سالی یارالینی
دونه داشه تخم وفا اگر
هر اوركده حاصله گلمسه
قزلون عیارینی كیم بلر
محكی مقابله گلمسه
غم و غصه بلبلی لال ایدر
گل اگر گولوب دله گلمسه
ایله ذوقیلن گتوروب دله
او شهون وصالی یارالینی
دیدی ای مراد مسیح دم
نفس مقدسی كیمیا
نچه ایلدی تشنه، مریدوم
بله خالصانه و بی ریا
الوی چك ایندی بو گوزلره
سن ای عالمون گوزینه ضیا
سنی یوخسا گورمسه ئولدورر
بو اسفلی حالی یارالینی
نیه ایندی سندن اورك سوزین
ایلیوم نهان گیدورم حسین
منی ئوز خجالتیم ئولدورر
اورگیمده قان گیدورم حسین
ئولورم وفالی رقیه‌دن
ایله ناگران گیدورم حسین
سو دینده هر دم اوتاندیرور
حرمون مارالی یارالینی
شاعر: استاد رحیم منزوی اردبیلی
گؤنده ر
بؤلوم لر:
سینه‌زنی حضرت ابوالفضل
+0 به یه ن
حسن جمالی خلقته وی شاهكار اوغول
فخر ایله‌سه خلیل اگر ئوز ذبیحینه
ایلر بلی حسین‌ده سنه افتخار اوغول
خوان كمالوه سنون ای یوسف حسین
مین یوسف ایستیور اولا تا ریزه‌خوار اوغول
یوسف هارا سن هارا یعقوب هارا حسین هارا
اولسا اگر مقایسه چوخ فرقی وار اوغول
كرب و بلا صبور اولان عاشیق مكانی‌دور
دوزمز بلایه عاشیق بی اقتدار اوغول
عاشق اودور كه سن كیمی سرمایه‌سی اولا
بذل ایلیوب نگاره تاپا اعتبار اوغول
عاشیق اودور كه طعنه‌ی اغیاره صبر ایده
عاشیق اودور كی قلبی اولا داغدار اوغول
عاشیق اودور اوغول گوزونون قانینی سیله
ای‌وای دیوب نه ایلمیه آه و زار اوغول
آخر نفسدی بیر آتا دی جان دیوم سنه
آز قالدی جنّته اولاسان رهسپار اوغول
قلبیم چوخ ایستیور آچاسان قانلی گوزلرون
بیرده گوروم گوزوم گیله‌سین آشكار اوغول
بیر یول نگاه ایدوب گنه یومسوندا یوم گوزون
باخسا اوغول آتا یوزینه اَجری وار اوغول
جدّیم دوشوبدی یادیمه ای مصطفی باخیش
سن باخ منه اولوم باباما اشگبار اوغول
قویدی یوزون اوغول یوزونه قلبی رام اولا
گورسون دیدی بوحالیمی پروردگار اوغول
ناگه قولاقینه یتشوب آغلاماق سسی
تِز تِز دیور هایانداسان ای زخمدار اوغول
فوراً حسین اوجالتدی باشین گوردی زینبی
بیر آیری مشگله دیدی اولدوم دچار اوغول
عمّوندی سر برهنه گلوب من دوزنمرم
مهر حجاب پرده‌دن اولسون كنار اوغول
دوردی ایاقه تِز ایاقا دور میان حسین
سن قال دیدی قوم اوسته هله گل‌عذار اوغول
سالدی عباسینی باشینا زینبون، دیدی
بو سن بو حق یولوندا ایدن جان نثار اوغول
اگلشدی عمّه‌ده آتادا قتلگاهیده
زینب دیدی بی‌بوندی گلوب بی‌قرار اوغول
عمّون گلنده فوری دوراردون ایاقینه
سن دونموسن دونوبدی و یا روزگار اوغول
یا چوخ یارالی‌سان ایاق اوسته دورانموسان
هانسی یارون سنه ویروری چوخ فشار اوغول
قاسم عم اوغلووی چاقوروم ال اله ویرون
باهم گیدون خیامه ایكی غمگسار اوغول
آز قالدی نوریدن دوشه قارداشمون گوزی
كام آلدی گورنجه فلك كج‌مدار اوغول
شاعر: استاد انور اردبیلی
بو شعر استاد انورین گوزل شعرلریندن‌دی و استاد سلیم موذن‌زاده اونی اجرا ادیب‌لر.
گؤنده ر
بؤلوم لر:
زبان حال امام بر سر علی اكبر(ع)
+0 به یه ن
ویردون ای چرخ ندن فرصتی اشرار الینه
رشته‌ی كار گچوب مرد تبه‌كار الینه
نه روا بلبل او ذوقیله قفسده یاشیا
گل او اندازه لطافتله دوشه خار الینه
حكم زندان ویریله یوسفه تقوایه گوره
مصر قبضه اولا بیر حاكم جبّار الینه
سن مگر ساحریدون رمز طلسماتیله
قورخیدان تاپشوراسان گنجی سیه مار الینه
نه صلاحیله امیر ایتدون عبیداللهی
ویرر عاقل نجه قدّاره‌نی غدّار الینه
وریلا سكّه‌ی اسلام یزیدون آدینا
ویریله سنگر دین شارب و خمّار الینه
اختیارات آلنا صاحب تقوادن اگر
تاپشوراللار سر یحیانی زناكار الینه
بیعت ایتمز ابی‌عبدالله عبیداللهه
ساربان ظلمینی هر چند ایده تكرار الینه
یتشوب جاه و مقامه هامی قدّاره‌كشان
بنده‌لر بند چكوب زبده‌ی احرار الینه
حكمتیلن بیر ایشون اولدی پسندیده فقط
ذوالفقار ارث یتشدی شه ابرار الینه
گرچه دورد اوغلی ئولوب آلتی جوان قارداشی
آز قالور عترتی مقهور اولا اغیار الینه
ئوزی تك دوره‌سی دشمن اوره‌گی داغلی سوسوز
بیر نفر یوخ ویره ال حقّه طرفدار الینه
باشینون اوسته حرارت ایاقی آلتدا غبار
دورت طرف دشمن آلوب نیزه‌ی خونخوار الینه
سوونوللر اوقدر عرصه‌ده یالقزلقنا
سانكه درّنده سالوب طعمه‌ی پروار الینه
بله فكر ایلدیلر ضعف دوتوب اندامین
زنده تسلیم اولاجاق لشگر جرّار الینه
ذوالجناح اوسته دوزلتدی بوكولن قدّین امام
صف‌لره باخدی گله نقشه‌ی پیكار الینه
دیدی لشگر سیزی اوچ امره مخیّر ایدورم
بو اوچوندن بیرینی تاپشرون اقرا الینه
یا قویون باش گوتوروم قورخلی قزلاریملن
یوز قویوم چوللره باش ویرمیوم اشرار الینه
یا بیر آز سو ویرون اوّل منه یاندی جگریم
آنادان ارثدی سو عترت اطهار الینه
یا اگر یوخدی سیزون جنگدن آیری هدفوز
كمگیم یوخدی منیم گوزتیكم انصار الینه
من تكم جنگیمه تك تك گلون ای قوم شریر
تا ویریم هر نفرون باطله طومار الینه
تن به تن جنگی قبول ایتدی فقط سعد اوغلی
ئوزیده قیلدی تماشا گله معیار الینه
بیر یزید آدلی كیشی ابطحی شهرت ملعون
چخدی صفدن آلوب ئوز جانینی مردار الینه
آچدی آغزین دیه‌سن كه آچلوب قبر یزید
سبقت ایتدی نجس آغزیندا كی گفتار الینه
ناسزا باشلادی مردان سزاوار حقه
ناقه‌ی عسگر شیطان ویروب افسار الینه
مركب كفره ایدوب عایشه‌ی نفسی سوار
تاپشروب عهد رسول‌اللهی انكار الینه
ساق ركابندن ایاقین چخادوب بی‌كس امام
صول ركاب اوسته سالوب لنگر بسیار الینه
ئوزی بیر فنّ‌دی بو، كیم صولا لنگر سالسا
ساق طرفدن یغشار قدرت سرشار الینه
بیر قلج وردی او نامرده بو كیفیتلن
اولدی جبریل امین صدقیله زوّار الینه
دیدی ظالم منی سن اولما آدامسیز گوردون
ویرمرم لحظه امان یوز بِله كفّار الینه
زور بازوی ولایت هله سربسته قالوب
ذوالفقار آلمامشام خالق قهار الینه
آستینمدن اگر دست ولایت چخادام
یتمز ئوز پیكریمون زحمت و آزار الینه
بیر نفر زنده قوتارماز آپارا شهره خبر
كوفه‌دن ابن زیادون ویره آمار الینه
الغرض بیر بِله اخطار و نصیحتله گنه
اولدی بیر آیری مبارزده گرفتار الینه
اونادا وردی صولوندان افقی بیر شمشیر
باشی لعنت اوخودی گویده طمع‌كار الینه
گلدی بیر بیر واریدی كیمده بیر آز باد دماغ
دگمدی قانلاریدا حجت دادار الینه
ذوالفقار ایتدی عجب قابض الارواحه كمك
باشلاری یوللادی پیشواز ایده همكار الینه
گچدی صف‌لر دالنا فارس و شجعان عرب
شمر آلوب ریش عمر سعدی بَرَص‌دار الینه
دیدی بو جنگی قبول ایلدون آخر نیه‌سن
زُبده سركرده‌لریم یاندی شرربار الینه
دیدی من فكر ایلدیم اوغلی ئولنلن طرفم
شیر غضبان قوجالان وقته نه زنهار الینه
قویمادوز كعبه‌ده ایتسون اونی رمی جمره
ایندی باشلاری یغور داش كیمی فخّاز الینه
ورار اعدا باشینی داش یرینه ابلیسه
حجّی تكمیل اولاجان تاپشورا دلدار الینه
حمله فرمانی ویریم ایندی بو سایسیز قوشونا
فتنه‌دن بند چكیم حیدر كرار الینه
نهر علقم طرفین خالی ایدون معركیه
باغلیوم حیله طنابین بو فداكار الینه
بو غریبون یولی دوشسه سو كناریندن اگر
قوللاری سست اولاجاق باخسا علمدار الینه
شمر سسلندی بو روشن‌دی كه ذی‌الجوشن آتام
مكریده باش گلر ابلیسون او مكّار الینه
بو شهون قولارینی باغلاسا زینب باغلار
زینبون ناله‌سی فوراً ایدر اخطار الینه
من ئوزوم خیمه‌لرین دوره‌لیوم سیزده ئوزین
ویرمیك مهلت اونون صاعقه رفتار الینه
وردیلار طبل یورش یوزمین عدوّ اللهه
آلدی هر كس گنه بیر زهریلی ابزار الینه
باش آچوب فاطمه صدقیله ایدوب راز و نیاز
بو غریب اوغلومون الله ئوزون اول یار الینه
ذوالجناح اولدی فقط یالقز امامون كمكی
اللرین قوزادی سبقت ایده سالار الینه
قولاقین شهلدی بیر شیحه چكوب قزدی گوزی
راكب و مركب ایدوب حمله كماندار الینه
صف اوّلده تلف ایتدیله یتمیش نفری
صف دوّمده اولوب قرخی گرفتار الینه
قاچاقاچ دوشدی صف چارمی سوّم یخدی
صف پنجمده شكست اولدی سزاوار الینه
بو هیاهوده یتوب خیمیه شمرون قشونی
ساچلارین آلدی گنه خیمه‌ده قزلار الینه
قولی سست اولدی امامون چكوب ال دعوادن
زینبون آلدی سسین اولدی نگهدار الینه
دیدی ای لشگر ناپاك ابی‌سفیانی
دینوزی ویردوز عجب درهم و دینار الینه
دین یوخوز باری جوانمرد اولون ای قوم شریر
اگمیون بوینوزی بی‌غیرت و بی‌عار الینه
منیلن جنگ ایدیسوز تا نقدر وار نفسیم
دگمسین قمچی گرگ زینب بی‌یار الینه
شمر بیر بانگ ویروب لشگر عقب‌گرد ایلدی
ایتدی تعطیل جفا حكمینی هموار الینه
دیدی بو كفوّ كریمون سوزین اجرا ایلیون
آلسون عمامه‌سینی احمد مختار الینه
او شهی دوره‌لدی مور و ملخ تك اوخ آتان
سنگ پرّانلار اگلیدی آلوب احجار الینه
سجده‌گاهندن آخوب گل یوزینه ثارالله
كوینگینون اتگین آلدی گهربار الینه
قوزانوب كوینگ اولوب داغ علی اكبر عیان
ایش دوشوب حرمله‌ی شوم و تبه‌كار الینه
دیدی اوچ‌پر اوخون اوچمینجسی‌دی شاهد اولون
ایندی قزلاری آلار زلف سمنبار الینه
او شقی‌نونده اوخین چرخ یتوردی هدفه
ایتدی ثاراللهی ایثار نگونسار الینه
سندی صندوق اولوب اسرار شهادت جاری
جنّت تجری من تحت‌الانهار الینه
دیدی لا حول و لا قوة الا بالله
یارالی باشی دوشوب شمرون او خونخوار الینه
شاعر: استاد منزوی مرحوم
گؤنده ر
بؤلوم لر:
شعر و داستان
+0 به یه ن
نه لازیم گؤزلره ترجمان گولوم
باخسان ترجمانسیز دینیر بو گؤزلر
عمور یولوموزدا هئی زامان – زامان
سؤنمز اولدوزلارا دؤنمز بو گؤزلر
گئتسن یوخو بیلمز راحاتلیق بیلمه ز
سن گئدن یوللاردان بیرآن چكیلمه ز
ناراحات قلبیمه راحاتلیق گلمه ز
سؤنه ر اولدوزلار تك سؤنه ر بو گؤزلر
ائشیتسه م حسرتین سونو یئتیشدی
طالعین سئوینمه ك آنی یئتیشدی
ائشیتسه م او ووصال گونو یئتیشدی
یولوندا ته زه دن یانار بو گؤزلر
این چشمها
گلم ، برای این چشمها مترجم لازم نیست
نگاه كن بدون مترجم سخن می گویند این چشمها
در راه عمرمان هر زمان
به ستاره ها مبدل نمی شود این چشمها
اگر بروی خواب و آسایش به خود نمی بیند
از سر راهی كه تو رفتی كنار نمی رود
بر دل ناراحتم آسایش نمی آید
خاموش می شود مثل ستاره ها این چشمها
اگر بشنوم كه حسرت به آخر رسید
لحظات شادی بخش دلم رسید
اگر بشنوم روز وصال رسید
در راهت دوباره روشن می شوند این چشمها
گؤنده ر
بؤلوم لر:
آذری شعر
+0 به یه ن
گؤز یاشینی تؤك سینه مه دفن ائله
آغلاییرسان ساغلیغیمدا آغلا سن
قهرین وارسا ، ساغلیغیمدا قهر ائله
آغلاییرسان ساغلیغیمدا آغلا سن
وارمی ایندی آهدان یانان كرملر ؟
اودو اودلا سؤندوره جك صنم لر ؟
بیرده چتین اله دوشه بو دملر
آغلاییرسان ساغلیغیمدا آغلا سن
گئده ن گئده ر غمی قالار بیر ایچیم
فرقی یوخدور ، یا اوچ مینی ، یا اوچو
مزار اوسته چوخو آغلار گؤرك اوچون
آغلاییرسان ساغلیغیمدا آغلا سن
قورخ كی صاباح قبیرلرده چاپیلا
اینجیله شن گؤز یاشلاری قاپیلا
گؤز یاشلارین آل وئرجیسی تاپیلا
آغلاییرسان ساغلیغیمدا آغلا سن
اؤلوم اودور باشدا اوتورت ، باش اولمور
ساغلیق اودور تعریفلره آش اولمور
داشادا بوك ، داشی دا بوك داش اولمور
آغلییرسان ساغلیغیمدا آغلا سن
وقتی زنده‌ام به حالم گریه كن
اشك چشمانت را روی سینه‌ام دفن كن
تا زنده‌ام به حال من گریه كن
خیال قهر داری تا زنده‌ام قهر كن
تا زنده‌ام به حال من گریه كن
هستند كرم‌هائی كه از درد بسوزند ؟
هستند صنم‌هائی كه جواب آتش را با آتش بدهند ؟
دیگر سخت است پیدا كردن این لحظات
تا زنده‌ام به حال من گریه كن
آن كه می رود غمش اندكی می‌ماند
فرقی ندارد یا سه هزارشان بروند یا سه نفرشان
خیلی‌ها سر مزار اشك ظاهری می‌ریزند
تا زنده‌ام به حال من گریه كن
بترس از روزی كه قبرها هم تاراج شود
اشك چشمان ضعیف هم ربوده شوند
خرید و فروش اشك چشم هم پیدا شود
تا زنده‌ام به حال من گریه كن
مرگ آن زمان است كه تلاشت بیهوده باشد
سلامتی زمانی است كه در تعریف‌ها نگنجد
سنگ كج را به سنگی درست بپیچی همان سنگ نمی‌شود
تا زنده‌ام به حال من گریه كن
گؤنده ر
بؤلوم لر:
آذری شعر
+0 به یه ن
بو قاطار ووصالدان حسرته گئدیر
وطن اوره گیمدن غربته گئدیر
دئیه سن بیر آیری قیسمته گئدیر
نه اولار ، ساخلایین گئدن قاطاری
گولوشو آپاریر ، گؤز یاشیم قالیر
اوره ییم بوشالیر ، گؤزلریم دولور
بو قاطار آیریلیق هاواسی چالیر
نه اولار ساخلایین گئدن قاطاری
زامانی دوغراییب بیچیر بو قاطار
سئوگیمین اوستوندن گئچیر بو قاطار
منیم گؤز یاشیمی ایچیر بو قاطار
نه اولار ساخلایین گئدن قاطاری
بؤیورسم چاغیرسام چاتا بیلمه رم
قلبیمدن قوپاریب ، آتا بیلمه ره م
گئتدیمی بیرداها توتا بیلمه ره م
نه اولار ساخلایین گئدن قاطاری
منیم باهاریمی آپاریب گئدیر
الینی الیمدن قوپاریب گئدیر
قویمایین یاریمی آپاریب گئدیر
نه اولار ساخلایین گئدن قاطاری
این قطار
این قطار از وصال به حسرت می رود
وطن از دلم به غربت می رود
گویا سوی قسمتی دیگر می رود
چه میشود ، جلوی این قطار را بگیرید
خنده را می برد ، اشكم می ماند
دلم خالی و اشك چشمم پر می شود
این قطار آهنگ جدائی می نوازد
چه می شود ، جلوی این قطار را بگیرید
زمان را درو می كند این قطار
پا روی عشقم می گذارد این قطار
اشك چشمم را می نوشد این قطار
چه می شود ، جلوی این قطار را بگیرید
فریاد بكشم و صدایش كنم ، به او نمی رسم
دل كندن و رها كردن ، نمی توانم
اگر برود به او رسیدن ، نمی توانم
چه می شود ، جلوی این قطار با بگیرید
بهارم را می برد و می رود
دستم را از دستش جدا می كند و می رود
نگذارید یارم را با خود می برد
چه می شود ، جلوی این قطار را بگیرید
گؤنده ر
بؤلوم لر:
آذری شعر
+0 به یه ن
گول ایسته چمن لری
بیچیم سندن اؤته ری
زهیر دولدور باده یه
ایچیم سندن اؤته ری
نه اولار بیر سلامدان
سایماز كئچمه یانیمدان
جان ایسته اؤز جانیمدان
كئچیم سندن اؤته ری
گوندوز گئجه دن قارا
باخیشین چكیر دارا
هئچ بیلمیرم من هارا
گئدیم سندن اؤته ری
گؤزومدن سئل آخاجاق
سئلدن سؤنه جك اوجاق
هله چوخ آغاراجاق
ساچیم سندن اؤته ری
حایات كوهنه بایاتی
غم لی دیر نفاراتی
اؤلومو یا حیاتی
سئچیم سندن اؤته ری
گئجه گوندوز بیلمه ییر
حسرت قلبیمی یئییر
واللاه یامان گؤینه ییر
ایچیم سندن اؤته ری
به خاطر تو
گل بخواه چمنها را
بچینم به خاطر تو
باده ام پر زهر كن
بنوشم به خاطر تو
چه میشه یك سلامی
بی اعتنا از كنارم نگذر
جان بخواه از جان خودم
بگذرم به خاطر تو
روز سیاه تر از شب
نگاهت به دارم می‌كشد
هیچ نمی دانم به خاطر تو
به كجا كوچ كنم
از چشمانم سیل روان خواهد شد
اجاق در اثر سیل خاموش خواهد شد
هنوز خیلی سفید خواهد شد
موهایم به خاطر تو
زندگی دو بیتی كهنه است
سازش غمگین است
مرگ یا زندگی را
كدام را انتخاب كنم به خاطر تو
شب و روز را نمی فهمد
حسرت دلتنگم می كند
به خدا سخت می سوزد
درونم به خاطر تو
گؤنده ر
بؤلوم لر:
توركی شعر
+0 به یه ن
به‌مناسبت روز جهانی زن شعر " قادین" ( زن) از "اسماعیل جمیلی" را به‌هم‌راه جوابیه ای از شهربانو موسوی را در اینجا می‌گذارم.
قادین / اسماعیل جمیلی
گؤزللیگین آدی قادین
مین ایللرین آخیشیندا
درین دردی اینسانلیغین اوز قاراسی
قورخو دولو اینجارلارین باخیشیندا
آجیلاری تاریخین آچیق یاراسی
یاشامین ایره لیشی
دونیانین یاریسی قادین
یارانیشین اینجه ایشی
گؤزللیك تانریسی قادین
قارا گونلر قامچیسیلا
ایرنج دایاز یاسالارین اوراغیلا
نوختا قیران هوسلرین
كوف قاپسایان یازیلارین یاراغیلا
قول بازاریندا اوجوز آلینان
سویولان دریسی قادین
جنت لرین باها ساتیلان
اویدورما پری سی قادین
بوش سؤزجوكلر بوكویونده بوكولن
سؤمورگه نین جایناغیندا سؤكولن
جانیندان جانلار بؤلونه ن
تانری لارلا دوران یان یانا قادین
سئوگی سی اوغروندا اؤلن
سئودا گؤلونده سونا قادین
یازدا قیشدا عطیر ساچان چیچكلی دال
لایلالارین دوداغیندا
گوندن گونه دادلانان بال
سئویلمه دن سئوه ن قوتسال
یاشامین معناسی قادین
یارین لارین آناسی قادین
سئوگیمیم دادی قادین
گؤزللیگین آدی قادین
زن
اسم زیبائیها زن
در طول هزاران سال
درد عمیقش رو سیاهی انسانیت
در دیدگاه حركتهای پر از وحشت
دردهایش زخمهای سرباز تاریخ
به پیش برنده زندگی
نصف دنیا زن
كار زیبای آفرینش
خدای زیبائی زن
با شلاق روزهای تیره
با داس چندش آور قانونهای سطحی
هوسهای از زنجیر رها شده
در بازار برده فروشان ارزان خریده شده
پوستش كنده شده ، زن
در بهشت ها گران فروخته شده
به ریا پری نامیده شده ، زن
در كلمه های سبك تا شده
از جانش جانها جدا شده
با خدایان دوشا دوش ایستاده زن
درراه عشقش جان داده
در دریای عشق ، سونا زن
در بهار و تابستان ، گل عطرآگین
در لبهای لالائیها
همانند عسل روز به روز شیرین شده
معنای زندگی زن
مادر فرداها زن
مزه عشق زن
اسم زیبائیها زن
اسماعیل قارداشا بیر سؤز / شهربانو موسوی
اورگی یانیخلی ، دردلی بیریندن
قبول ائیله بیر ریاسیز سلامی
قارانلیقلار ایچیندن گلن های دان
تحویل آل بیر نئچه كلام جوابی
..
بوكولوب قامتیم یاشام یولوندا
سلاما گلیب توكلریم باشیمدا
خبرین وار ، بیلیرسن نه چكمیشه م
بو ظالیم فلكین اویونلارندا
..
گؤزل سؤزلر یازدین آرواد حاققیندا
اوتورتدون هامیسین جئیران داغیندا
گؤزللیكین آدی ائیله دین بیزی
سئوگینین ده دادی ائیله دین بیزی
یاشامین سئوینجی ، ساباح شنلیگی
یاشیل باشلی سونا ، جنت حوری سی
عطیر ساچان گوله بنزه تدین ساغ اول
دادلی شیرین بالا بنزه تدین ساغ اول
..
آما سنه بیر سؤزوم دئییم اینجیمه
آتا بابا تك منی نان كور بیلمه
نئینیرم دیله گتیریب یازاسان
ناواخ خوشووا گلمدی پوزاسان
نئینیرم هردن باشیوا آلاسان
هردن ده سئومییب یئره چالاسان
یورولموشام بال تك شیرین اولماقدان
دای پیخمیشام گول تك عطیر ساچماقدان
ایسته میرم جنت پریسی اولام
سون دونیادا دا قیلمانا قول اولام
..
یاخجی بیلیرسن درددیمیز
اینسانلیغین اوزقاراسی
بیلیرسن كی اوره كده یارالاریمیز
تاریخ درین یاراسی
..
او زامان بونودا شعریوه آرتیر
یاخ عالمی قادین دردیله یاندیر
ظالیم الیندن چكیلن هاواری
یای عالمه ، سیتمكاری اوتاندیر
..
سیزده اولان غرور لاغیرت
بیزده ده چوخدو ر البت
بیزده اهانتی باغیشلاماریق
اما كیشی تكین ده داشلاماریق
تانریم ایكیمیزی ده بیر خلق ائتدی
سنه وئرن عاغلی منه ده وئردی
صبرینین بیر قدری وار گؤره رسن كی
بیرگون الله هین صبری ده بیته ن دی
از یكی كه دلسوخته و دردمند است
سلامی بی ریا بپذیر
از فریادی كه از تاریكیها می آید
چند كلمه جواب دریافت كن
..
دركوره راه زندگی قامتم دو تا گشته
از مشقت فراوان به جان آمدم
خبر داری و می دانی چه كشیده ام
از بازی این فلك ستمكار
..
در حق زنان سخنان زیبائی نوشتی
همه را به مقام والائی رساندی
زیباترین اسم نامیدی زن را
لذت زندگی نامیدی زن را
اشتیاق زندگی ، طراوت صبحگاهی
سونای سبز سر زیبا ، حوری بهشتی
چون گل معطر مان دیدی ، دست مریزاد
عسل شیرینمان خواندی ، دست مریزاد
..
اما حرفی می گویم و نرنجی
مثل آبا اجدادمان نمك نشناسم نخوانی
میخواهم چكار كه به زبان بیاری ، بنویسی
هر وقت خوشت نیامد پاكش كنی
می خواهم چكار ، بالای سرت بگیری
هر وقت دلت خواست به زمین بكوبی
از عسل شیرین شدن
از گل معطر شدن
دلتنگم ، خسته ام
نمی خواهم پری و حوری باشم
آن دنیا هم برده قلمان باشم
..
خوب می دانی كه درد ما
روسیاهی انسانیت است
می دانی كه زخم ما
زخم عمیق تاریخ است
..
در آن حال این را نیز به شعرت اضافه كن
شعله بكش و عالم را با غم زن بسوزان
فغان ما را
به تمام عالم برسان و ستمكار را شرمنده كن
..
غرور و غیرت شما را
البته كه ما هم داریم
ما نیز اهانت را نمی بخشیم
اما چو مردان غیور
كسی را به سنگ نمی بندیم
خدا هردویمان را یكسان خلق كرد
عقلی كه به تو داده ، به من نیز داد
صبر هم اندازه ای دارد ، می بینی
روزی را كه صبر خدا تمام می شود
گؤنده ر
بؤلوم لر:
آذری شعر
+0 به یه ن
یئنه اول ماه منیم آلدی قراریم بو گئجه
چیخاجاق دیر فلكه ناهل زاریم بو گئجه
شمع وش محرم بزم ائیله دی او ماه منی
یاناجاق دیر یئنه هجر اودونا ، واریم بوگئجه
هم وصالی اود اولور جانیما ، هم هجرانی
بیر عجب شمع له دوشدو ، سر و كاریم بو گئجه
نه توتون دور كی چیخار چرخه ، دل زاره مگر ؟
هجر داغینی اورار لاله عذاریم بو گئجه
پاره – پاره جگیریم ، ایت لرینه نذر اولسون
اول سر كویا اگر دوشسه گذاریم بو گئجه
صبحه سالدی بو گئجه شمع كیمی قتلیمی هجر
اولا كیم صبح گلینجه ، گله یاریم بو گئجه
واریدی صبح وصالینه فضولی امید
چیخماسا حسرت ، ایله جان فگاریم بو گئجه
امشب
باز آن ماه قرارم را ربود ، امشب
ناله زارم به فلك خواهد رسید ، امشب
آن ماه مرا چون شمع محفل بزم كرد
باز در آتش هجر می سوزد دار و ندارم ، امشب
هم وصالش می زند آتش به جانم ، هم هجرش
با عجب شمعی سرو كارم افتاد ، امشب
چه دودیست كه به افلاك می رسد
داغ هجریست كه از دل زارم برمی خیزد ، امشب
جگر پاره پاره ام نذر سگهایش
اگر بار دیگر به سر كویش راه بیایم، امشب
هجر قتلم را تا سحر به تاخیر انداخت
شاید تا دمیدن صبح یارم امشب برسد
فضولی امیدوار وصالش است
اگر امشب جانم از غم هجر نرود
گؤنده ر
بؤلوم لر:
آذری شعر
+0 به یه ن
بیر سؤزومله اوره یینه توخوندوم
یالواردیغیم سؤزلریمه باغیشلا
ایسته ییرسن گل دیلیمدن آس آنجاق
سنی سئون گؤزلریمه باغیشلا
هارا گئتسه ، سیزه طرف یول آلان
یالنیز سنین آتشینه قالانان
ائوینیزه پروانه تك دولانان
ناخیش – ناخیش ایزلریمه باغیشلا
..
اؤزون یازدین اوره ییمه آدینی
سن گؤستردین محبتین دادینی
اینجیك لیین آتشی نی اودونو
كوله دؤنموش گؤزلریمه باغیشلا
ببخش
با سخنی دلت را آزردم
به التماس‌هایم ببخش
اگر می خواهی زبانم را بیاویز
به چشمانم كه دوستت دارند ببخش
..
هر جا كه رفته به سویت برگشته
تنها به آتش تو سوخته
دور خانه ات مثل پروانه گشته
به نقش و رد پایم ببخش
..
خودت اسمت را بر دلم نوشتی
لذت محبت را خودت نشانم دادی
آتش و شعله آزردگی را
به چشمان خاكسترم ببخش
گؤنده ر
بؤلوم لر:
آذری شعر
+0 به یه ن
اوزونده بیر تبسم
سن دؤنوب باخمادین می ؟
بیر باخیشلا كؤنلومو
یاندیریب یاخمادین می ؟
یاشادین اومودومدا
كول آختاردین اولدومدا
قارالمیش بولودومدا
شیمشك تك چاخمادین می ؟
..
آتیب اوزدن تئلینی
بال ائیله دین دیلینی
منیم تك بیر دلینی
یولوندان ساخلادین می ؟
..
كولك كیمی اسن سن
شئیطان می ، یا نه سن سن ؟
پامبیقلا باش كسن سن
آللاهدان قورخمادین می ؟
بر گونه ات تبسم
بر گونه ات تبسم
برگشتی و نگاهم نكردی ؟
با یك نگاه دلم را
آتش زده نسوزاندی ؟
..
در امیدهایم زندگی كردی
در آتشم خاكستر جستجو كردی
در ابر خاكستری ام
مثل رعد نغریدی ؟
..
گیسویت را از رخت كنار زدی
زبانت را چون عسل شیرین كردی
دیوانه ای همچون مرا
از راهش بدر كردی ؟
..
مثل توفان وزنده ، تو
شیطانی یا كیستی تو ؟
با پنبه سر برنده ، تو
از خدا نترسیدی تو ؟
گؤنده ر
بؤلوم لر:
آذری شعر